Bargubargubargu...! Lea lossat gámnat rivttes sániid, diehtit makkár oainnu galggan válljet, maid galggan deattuhit, lea obage lossat diehtit maid galggan čállit. Muhto čálán. Geahččalan goit. Vearrámus lea goitge su ipmirdit. Eveline. Manin dahká dan man dahká? Jus eallin lea nu váivi, manin ii dohppes vejolašvuođa ođđa eallima oažžut? Lea go dan dihte go ballá? Dan dihte go aŋkke dobdá ovddasvástádusa dálá eallimii, áhččái ja vehkii? Vai lea go beare dan dihte go lea jalla? Ja jus mahkáš ballá; mas de ballá? Eahpesihkkarvuođas? Varasvuođas? Earáin? Alddis? Visot vejolašvuođaid ja visot gažaldagaid vikkan seaguhit čállosii, dárkkistit juohke viŋkila, muhto in dieđe lihkostuvvo go. Lea Eveline duođaid nu máŋggalágan, vai lea go beare hui, hui eaŋkil? Status quo. Járnon oadjebasvuohta. Ealli jámeguš. Ihpil.
Ja bearjadaga galgá sisa. Ferte beare mannat, muhto lea lossat jur dál. Árvideamis ferten duorastatija čohkkát gitta iđidii dainna. Muhto de lea buorrelihkus olles vahku boahtte eksámenii, njálmmálažžii, ja de lea luopmu! Aŋkke lea lohtu ahte loahppa mahkáš oidno. Merken dan jo kalendarii: Juovlamánu 7. beaivi, siidii áhččái ja eadnái. Vuosttaš háve go illudan beassat bassat juovllaide.
Subscribe to:
Post Comments (Atom)
5 comments:
It go don sáhte ieš diekkár teavstta čállit, mas lea veahá iežálágán áigeperspektiiva, na sullii seamme go Joyces lea... Mon in riekta ipmir maid dat mearkkaša go logat ahte: "áiggi bonjasta smávva dáhpáhusaid mielde". Livččii somá lohkat.
Go čálát ahte jienat ja hájat stivrejit Eveline ja su jurdagiid, ja go namuhat dien stream-of-consciousness, de gahččá mielan duot fránskalažžii ja su Madeleine-gáhkkui. Leigga go Joyce ja dat fránskalaš čálli ("Vuordime dan áigái mii lea juo gollan...")seammelágánat? ferten dalle jearrat.
Joyce ja Proust han atniba vissa seammalágan teknihka, muhto Proust in leat goassege lohkan. Livččii dieđun mielagiddevaš, muhto orru veaha prošeakta lohkagoahtit. Muhto "Eveline" ii leat nu guhkes novealla, nu ahte dan sáhtát lohkat neahtas, omd das: http://www.classicreader.com/read.php/bookid.345/sec./
Joa, giitu, mon lohken dan. Ii dat lean nu heittohis novealla. Lei veahá váttis vuos álgit lohkat, teaksta ii lean nu geahppat go dálá čáppagirjjálašvuohta.. na munnje goit ii lean nu álki... muhto dál go lean dan lohkan de ferten dadjat ahte lei áibbas ok. Gal dat dohkke.
Ja de ipmirdin maiddái dien stream-of-consciousness, man birra čállet.
Ja nu go don oktii lohpidit čállit divttaža, de lohpidan mon dál čállit stream-of-consciousness-teavstta. In dán vahkus čále dan, muhto soames geardde... boahtteáiggis.
Jo, dan fertet dahkat! Sámegillii dieđun!
Post a Comment