October 07, 2007

Sotnabeaivi golggotmánu 7. beaivi

Bávččaga... Juolggit šleađgale, čoddagat guorrane, bivas golggiidii, lei ávvu ja illu, muhto odne bávččaga. In leat báljo leahkán odne hybela olgobealde, muhto han lea muhtumin seamma buorre beare njáŋgat. Ledjen buorrelihkus jur oastán Von Triera “Manderlay”, ja lean dan odne geahččan. Hui buorre filbma, veaha Von Trier-imaš, dieđun, muhto ii nu psykedelálaš ahte olmmoš ii gierdda dan geahččat sotnabeaivvi. Hui vuogas, go olmmoš ii naga eará go sealggis veallat. Muhto go feasta lea buorre lea okej ahte nu lea. Lei nu hávski sihke ovdafeasttas ja olgun Drivas, olbmot nu smádáhkkásat ja movttegaččat, ja lea juoga midjas lea nu hearvái sámifeastta oktavuođain. Dahje oktasašvuođain. Dat solidaritehta, dat solidaritehta, man dat jo illudahttá!

Ja eksamenčálus? Ii odne ovdan, lean jo ipmirdan. Ii bloggačálus ge ovdan, nu ahte dál vuollánan. Galggan gámnat juoidá man sáhtán jurddakeahtta TVas geahččat, ja máhcán inspirašuvnnain eará háve.

1 comment:

Villle said...

Maid? Ii go bloggačálus ovdan? Lea go beare oanehaš, vai maid meidnát?

Mon ieš anán dát sotnabeai-teavstta helt perfeaktan. Mon nagodin olles teavstta lohkat :)