December 17, 2007

Mánnodat juovlamánu 17. beaivi

Last night I dreamt that somebody loved me. Ja ii lean niehku. Lean mon, ja mu vuoiŋŋastat. Ráhkis, Steven; in dieđe goktes galggan čilget. Lean dobdan albma gieđaid fátmmasteami. Lea imaš ja hearvái. Ja dál lea vuolgán. Odne iđđedis 08.00 vulggii girdi Romssa girdišiljus, ja girdis čohkkái son guhte lea šaddan mu moarsin. Čuvvon su girdái, čužžon su olis gate’as vuordime, ja ovdal vulggii cummestin su niera ja baksamiid, lei sálti ja linis, ja “lean nu ráhkis” geardduhuvvui litna baksamiin, ledje mojit ja gatnjalat, ja eanan jorragođii.

Ja dál čohkkán fas lanjas. Lean nu lihkolaš ahte čierun. Lean nu lihkolaš ahte illá nagan čohkkát. Vuolggán odne siidii vanccain diibmu 16.00. Lean hoahpus, muhto fertejin veahá čállit ovdal vuolggán. Muitalit. Muitalit ahte máilbmi lea šattolaš báikin šaddan. Muitalit ahte vuosttaš mánná lea bestojuvvon.

Ja dál ferten páhkket ja vuolgit. Muitalan eanet go lean boahtán siidii. Mii eallit ipmašiid áiggis, ja dál lea imaš šaddagoahtán nai mu eallimis...

13 comments:

Anonymous said...

Somá go meinnestuvai! Buorit juovllat sihke dutnje ja du moarsái. :D :D

Anonymous said...

Ihana buorre dat

Anonymous said...

Jurdil ahte diekkár buorit čállosat gávdnojit neahtas sámegillii. Lohken, lohken ja lohken, vájálduhtten áiggi, nealggi ja goikku. Du eallin lea dego čábbagirjjalašvuohta, berrešit sáddet olles blogga muhtin lágadussii, don sáhtát geavahit pseudonima, dieđát. Livččii jur girjesorta maid sámi máilbmi dárbbašivččii, gielalaččat buorre, progressiiva ja jurddašeaddji. Lean vuordimin movt ain manná duinna?

Anonymous said...

Diet kommeanttat čihččet beaivvis ledje juste dego mu jurdagat. Lea gal imašlaš fiinna ja geasuheaddji blogga, munge duođai vuorddán gullat, mii dán rádjai le dáhpáhuvvan - doaivumis it leat ieš láhppon gosage. Sávan buori ođđa jagi dutnje, Ihpil!

Anonymous said...

Hearran sivnnit man suohtas :) ollu lihkku :)

Villle said...

Lea go dat Ihpil nohkkan, vai?

Anonymous said...

Dat lea láhppon...

Anonymous said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Aluguel de Computadores, I hope you enjoy. The address is http://aluguel-de-computadores.blogspot.com. A hug.

Anonymous said...

And now you are sadly dead.. :(

Anonymous said...

Read the book about your blog, on norwegian, sad somthing like this happend...

Anonymous said...

top [url=http://www.c-online-casino.co.uk/]uk casinos online[/url] hinder the latest [url=http://www.casinolasvegass.com/]las vegas casino[/url] free no store hand-out at the foremost [url=http://www.baywatchcasino.com/]casino
[/url].

Caroline said...
This comment has been removed by the author.
Anonymous said...

Have read the book in norwegian, RIP Ihpil :( You was very good in writing! Like the way you write soo much!